10MinuteMail estas sekura provizora retpoŝta servo. Tio signifas, ke ĝi donas al vi privatan retpoŝtadreson, al kiu iu ajn povas sendi mesaĝojn. La mesaĝoj kaj la adreso ambaŭ memdetruiĝas post 10 minutoj, do vi tute ne devas zorgi pri SPAMo aŭ io simila.
La plej ofta kialo uzi provizoran retpoŝtan servon kiel 10MinuteMail estas, se oni devigas vin doni retpoŝtadreson al retejo, kiun vi ne plene fidas. Multaj retejoj devigas vin registriĝi por vidi enhavon. Multaj el tiuj retejoj poste aŭ sendos al vi SPAMon dum jaroj, aŭ eĉ pli malbone, vendos vian retpoŝtadreson al grandskalaj SPAM-operacioj. 10MinuteMail permesas al vi facile doni retpoŝtadreson, kiu ne plu ekzistos post 10 minutoj, do estas nenia risko de SPAMo. Se la retejo devigas vin kontroli la retpoŝtadreson, sendante al vi ligilon, kiun vi devas alklaki, tiam vi povas legi la mesaĝon ĝuste ĉi tie sur www.10minutemail.com kaj alklaki la ligilon. Vi ankaŭ povas respondi al mesaĝoj, ĉar iuj retejoj postulas respondon. Vi povas plusendi la mesaĝon al via persona konto, se estas iu informo, kiun vi bezonas konservi.
Ne! La ideo de 10MinuteMail estas esti kiel eble plej rapida kaj simpla. Simple vizitu la retejon, kaj vi havas privatan sekuran adreson pretan kaj atendantan vin. Vi devas fari NENION!
Male al multaj similaj provizoraj retpoŝtaj servoj, 10MinuteMail estas konstruita ĉirkaŭ privateco kaj sekureco. Vi ricevas privatan unikan retpoŝtadreson, kiun ricevas neniu alia. Vi estas la sola persono, kiu povas vidi la ricevujon de tiu adreso. Neniu alia povas vidi vian retpoŝton. Punkto.
Post kiam via retpoŝtadreso eksvalidiĝas, ĉiuj viaj retpoŝtoj estas forigitaj, kaj la adreso mem ĉesas funkcii unu minuton poste.
Se la retpoŝto, kiun vi atendas, ankoraŭ ne alvenis, vi povas alklaki la ligilon, kiu diras "Donu al mi 10 pliajn minutojn", kaj tio renuligos la tempokalkulilon.
Se vi fidas la retejon, tiam verŝajne plej facile estas uzi vian veran retpoŝtadreson. Se temas pri GRAVA konto, por kiu vi eble bezonos sendi pasvort-restarigan mesaĝon, vi ne uzu 10MinuteMail. Multaj homoj perdis kontojn, kiam ili forgesis la pasvorton kaj lasis kiel sian kontan retpoŝtadreson delonge eksvalidiĝintan adreson de 10MinuteMail.
Mi bedaŭras, sed mi ne povas. La retpoŝtoj neniam estas konservitaj kaj mi neniam havas aliron al ili. Ili estas vere provizoraj!
Ĝi estas SUFIĈE sekura... Plej multaj retmesaĝoj, pro la naturo mem de la tuta retpoŝta sistemo, estas senditaj neĉifritaj kaj povas pasi tra multaj serviloj inter la sendinto kaj la ricevanto. Do retpoŝto simple ne estas tre sekura maniero komuniki. Punkto. Vi povas legi pli pri tio ĉi tie: http://en.wikipedia.org/wiki/Email_privacy. Se vi volas vere sekuran retpoŝton, vi devas ĉifri la mesaĝojn per PGP/GPG. Vi povas legi pri tio ĉi tie: http://en.wikipedia.org/wiki/Pretty_Good_Privacy. Vi ne uzu 10MinuteMail por fari ion ajn kontraŭleĝan. Punkto. Sed ĝi estas sekura kontraŭ plej multaj scivolemaj okuloj!